une chanson en patois

Mos beaux magneuds, laichez-me va vos dire
queuques coplets que vos ne séjâz pâs;
Mais mon crayin porra-t-ë vos l'ecrire,
Mais mon gojië vos chantâr ?
Dje vouas d'âbord commencir ma complainta,
En vos parlant dous mirons de la Tör.
Dje vos dira qu'ils n'en portant pâs plainta
Et qu'ils ant bian d'qué arrosâr.

Prés de la Tör, San Didië la Cassola
Sont de magneuds qu'âmont bian plaisantâr
E n'y ari su tâbla qu'une fiola
D'on coup de poing, z'en foutont vingt per bâs
N'insultâz pâs la gnâ de cella sorta
On coup de pië li cûte pâs grand liârds.
Ils vos farant vito passâr la porta
Si per malheu, vos los ayâz piatâs !

Laissons de flanc, lo curâ de Flachièri
Los plus malins n'ant bian dejiè parlâr !
Laissons-lo donc a sa sainta prière
Trop de bigueuds vindrant nos disputâr !
N'veut-ë pâs le bonnes dou curâ
Et qu'âmont mu per derrë le charpines,
Vos embrassir, magneuds de mMontcarrâ !

Lo Dauphiné a de bian belles rotes
Hiver, été, on pout le fréquentâr
Si de ta viè, te passâve su totes
A Nivolâs, pâssa sans t'arretâr
Mais si te voux fâr' degouassir ta vesta
Mais si te voux te fâre dessempeillir
Si t'âs on jor na vêprena de resta
Vâ la passâr vé los crayons dou Ruy !